2

PARACHUTE
Үргэлж уурлаж байдаг
Урьд би зовлонт хүн байсан байх
Үргэлж аргадаж байдаг
Урьд чи гэмшсэн нэгэн байсан байх.
Үргэлж эрхэлж байдаг
Урьд би бяцхан гөлөг байсан байх.
Үргэлж халамжилж байдаг
Урьд чи эцэг минь байсан байх.
 
Үргэлж голж байдаг
Урьд би сайхан хүүхэн байсан байх
Үргэлж магтаж байдаг
Урьд чи хайрын шүлэг байсан байх.
Үргэлж уйлж байдаг
Нулимс минь яг бороо байсан байх.
Үргэлж арчиж өгдөг
Гар чинь яг салхи байсан байх.
 
Үргэлж унаж байдаг
Үс минь урьд өвс байсан байх.
Үргэлж тайрч байдаг
Урьд би намар байсан байх.
 
Үргэлж буцаад явдаг
Үүрд би намар байна байх
Үргэлж буцаад ирэхэд минь
Үүрд чи намрынх байна байх.

Сэтгэгдэл бичих
Сэтгэгдэл:

баярлах таалагдлаа
төвшөө (зочин) хэзээ бичсэн: 2010-03-10 12:04 | |



:-)