4 болон олон мөртүүд :|: shuleg.coo.mn

4 болон олон мөртүүд

2009-12-24 01:52 xvv

Дугариг цагаан саран
Үүлэн цаанаас мишээж
Дуу аялан би арманчиглан алхаж байхад
Дүн өвлийн жавар хацар чимхэн аяглаж
Дүрсгүй бужигнах ширхэгүүд хамар дээр буугаад хайлнаа гэж ярзайтал инээх

   ** **   **

Хэрвээ надад хор байсан бол
Хүчээр чамд уулгаад өөрөө уух байсан юм
Хэн нэгэн Ромеог дуурайсандаа биш
Хэмжээгүй хайрандаа галзуурахдаа тэгэх юм...

   ** **   **

Зүрхэнд аялгуу алга
Зүгээр л дүүрэн байна
Романтик сайхан зүйл огт алга
Ороо нь орсон мэт дүүрэн л байна
Бичье гэсэн ч үгс алга
Бийр цаас нийлүүлсэн ч халил алга
Юм бүхэн л тэр л байна
Ерөөсөө л хэтэрсэн байна...

   ** **   **

Зүүд 1
Эргэлдэн бүжсэн нь зүүд байжээ
Ингээд сэрэхэд өглөө болжээ
Найган бүжсэн нь зүүд байжээ
Намайг сэрэхэд нар манджээ
Тэврэн найгасан нь зүүд байжээ
Тэгтэл харин өглөө болжээ
Харц харин санаанд үлджээ
Хааяа түрхэн л мартагдах юм даа...

   ** **   **

Зүүд 2
Тэврээд үнсэхэд нь ч гар хөдлөхгүй улам л хөшнө
Тээр холд одсон бодол эргэж ирэх нь хэзээ вэ
Дэлхий дээр хэрвээ ухаан санаа байсан бол
Дэрэн дээр толгойг чинь хүчээр хэвтүүлэх байсан юм...

   ** **   **

Зүүд 3
Хөөрхөн гараас хөтлөн
Хүмүүсийн хажуугаар зөрлөө
Булбарайхан гараас атгаад
Бусдад гайхуулан алхлаа
Дэлбээ уруулаас балыг амталлаа
Дэгжин нүднээс хайрыг мэдэрлээ
Дэндүү хайрын галд шатаж түлэгдэв
Дэлхий ертөнцөд баймгүй жаргалыг мэдрэв
Хүзүүн дээр чинь зөөлөн үнслээ
Хүслээ шивнэн энхрийллээ
Салахгүй гэж чанга тэвэрлээ
Санчиг үсийг илбэн таллаа
Сэрүүлэг дугараад сэрлээ
Сэтгэл гунигтай ч жаргалтай
Шалавхан босоод шүршүүрт орлоо
Сайхан зүүдээ биелэхийг залбирлаа гэж ярзайтал инээх

** ** **

Цэл залуу насныхаа гал дөлөөр бадарч
Сэтгэл зүрх хоёртоо шатаж явах үедээ
Чин хайрт амрагтаа хэлж үзээгүй мөртлөө
Чинийхээ төлөө үхье гэж эх орондоо би хэлсийм...

Амьдрал бидэнд утга учралаар дүүрэн
Өглөө болоход наран ургаж биднийг угтдаг
Үдэш болоход саран бүүвэйлж амьдрал үргэлжилсээр ярзайтал инээх

Сэтгэгдэл бичих
Сэтгэгдэл:

Олхонууд С.Л

Хайрыг чинь үгүйлж байна би, над руу ойртооч
Хамаг бүхэн буруу байсан ч тэр
Холдсон мэт санагдаж байвч би энд байна
Хоромхон ч болов хамт байх юмсан энэ орой
Хажуугаар чинь өнгөрөх бүрий би сүүрс алддаг
Хамт байхыг хүсэвч зүрх дутдаг
Чиний дүр харанхуйд уусан холддог
Чин үнэнээ хэлэхэд би ч бас замхардаг
Миний нүд гунигаар дүүрэн чи мэднэ үү
Чиний ч нүд тийм байгаасай гэж далдхан хүснэ
Бүхнийг шинээр эхлэе дахин тэврээч хайрт минь
Бүлээн уруулаа дэвсэж цагийг умартаач
Гэмшсэн сэтгэл минь чамайг уярааж чадах уу
Гэнэхэн занг минь чи ойлгох болов уу
Сэтгэл чинь надаас үүрд холдсон уу
Итгэлийг чинь эргүүлэх хүч надад байна уу
Хараач миний нүд гунигаар дүүрэн
Харин чиний нүд ч тийм байгаасай
Бүхнийг шинээр эхлэе дахин тэврээч хайрт минь
Бүлээн уруулаан дэвсэж цагийг умартаач.

Зочин хэзээ бичсэн: 2023-01-06 10:42 | |

зүүд

Дарсны үнэр хөлчүү агаараас

Даруулаггүй эрх чөлөө амтагдана

Давчидсан хүсэл богинохон хором

Хавчигдсан тааз бачимхан өрөө

Харагдаж байгаагаасаа онхи өөр

Харагчин бар эмэгчин барс учирхуй

Хаа холын тэртээ жилийн дурсамж бүдэг бадаг..үлгэр адил.

Зочин хэзээ бичсэн: 2023-01-06 10:10 | |