Арван намраар чуулалдан
Хонхон дуугаа цангинуулсан
Арван хавраар дуулалдан
Холын мөрөөдөлд хөтлөгдсөн дөө
Ариухан насаа дуулъя даа
Алтанхан үеээ дурсан санъяа
Дэлхий багтсан дэвтэртээ
Дурсамж бичээд уйлсан даа
Дэндүү дотнын үерхлээрээ
Үдэлтийн бүжгэндээ уярсан даа
Цайлган насаа дуулъя даа
Цоглогхон үеээ дурсан санъяа
Одсон жилүүдийн цувааг
Нартай наадан өнгөрүүлсэн
Орой болтол тоглохдоо
Найзынхаа сэтгэлд хоргодсон доо
Балчирхан насаа дуулъя даа
Баяртай үеээ дурсан санъяа
Багшаа тойрон суухдаа
Ангийн чамайгаа онцолсондоо
Бадран баясан өсөхдөө
Сургууль танийгаа хүндэлсэн дээ
Хүүхэд насаа дуулъя даа
Хөгжилтэй үеээ дурсан санъяа
